Македонската репрезентативка во стрелаштво Оливера Наковска Бикова, заедно со колегите од македонската експедиција од Параолимпијадата во Лондон и тренерот Бранислав Јовановски денеска имаа средба со Градоначалник на Општина Битола м-р Владимир Талески. Градоначалникот уште еднаш честитајќи и го големиот успех на Оливера Наковска Бикова и подари икона со ликот на отец Свети Нектариј Битолски посакувајќи и заштитникот на градот да и донесе уште многу успеси и на олимпијадата во 2016 година. Општина Битола во континуитет продолжува со поддршка на Наковска – Бикова, како и со вложување во создавање подобри услови за редовни тренинзи за стрелаштво.