Четвртата последователна сесија во рамките на Буџетскиот форум во општина Битола, ги донесе и приоритетните програми и проекти.
Во рамките на сесијата, беше презентиран извештајот на општината за резултатите од Форумскиот процес, беше презентирано сработеното на работната група, преку дискусија и усвојување на предлози, како и презентирање на повратни информации во врска со релевантноста на граѓанските предлози од претходната сесија.
По приоретизирањето на програмите и проектите, присутните донесоа формални одлуки и до Советот на општина Битола дадоа и формални препораки, услогласени од страна на членовите на Форумот.
До Советот ќе биде доставена следната лста со приоритетни програми и проекти утврдени во рамките на Буџетски Форум 2023/2024 година:
Програми:
- Програма за активности во областа на спортот и младите,
- Програма за заштита на животната средина и природа,
- Програма за култура,
- Програма за локален економски развој,
- Програма за развојни планови,
- Програма за социјална заштита,
- Програма за уредување на градежно земјиште.
Проекти:
- Изградба на спортски комплекс со мала и голема сала (ракомет, одбојка, кошарка), затворен и отворен базен, сали за пинг понг, игралишта за деца со справи и реквизити, тератана, сауна, куглана, стрелана, сала за боречки спортови, паркин простор и скејт парк за ролери,
- Годишно одржување на бајк-парк Смолево,
- Изработка на Стратегија за Култура на Општина Битола,
- Поддршка на Европско Првенство во тенис за деца до 14 години,
- Изградба на летна сцена во Градски Парк,
- Изградба на терени за одбојка на песок,
- Затворање на втората пешачка зона во Стара Чаршија,
- Поддршка на реконструкцијата на Планинарски Дом Копанки,
- Зголемено финансирање на универзитетскиот спорт во Општина Битола,
- Осветлување на реката Драгор долж Стара Чаршија,
- Поставување на електронски пречки за влез и излез од зоните за дотур на роба во Стара Чаршија,
- Реконструкција на Бањата во Битола,
- Поддршка на организацијата на женска ноќна трка во атлетика,
- Организација на натпревар за најдобар украсен излог во Стара Чаршија.
Кон крајот на сесијата, беа утврдени следни чекори, преку инструкции за работната група во текот на 2024 година, а присутните дадоа и оценка на Форумската сесија.
