Градоначалникот на општина Битола, Тони Коњановски, беше домаќин на средбата со претставници на делегациите и организаторите на 25 издание на Интернационалниот фестивал на монодрама, кој деновиве се одржува во Битола. На средбата, тој истакна дека е голема гордост градот Битола да е домаќин на веќе етаблираниот во светски рамки фестивал на Монодрама, а општина Битола и натаму ќе ја продолжи долгогодишната соработка и поддршка на овој значаен репрезент на културата.

Директорката на Центарот за култура Маја Андоновска Илијевски посочи дека поддршката на општината е многу значајна за самиот фестивал, особено за учесниците, актери од целиот свет, за кои и оваа средба претставува особена чест.

Огромно беше задоволството на претставниците од државите учеснички од средбата со градоначалникот Коњановски. Делегациите од Бугарија, Турција, Ерменија, Казахстан и Обединетите Арапски Емирати, се воодушевени од градот, архитектурата, посетеноста на претставите од страна на публиката и топлината со која се пречекани од домаќините.

Учесниците од градоначалникот добија подарок во знак на сеќавање на оваа заедничка средба.