Денес заменик градоначалникот Бојан Бојкоски изврши увид на асфалтирањето на дел од локалниот пат до с. Магарево. Должината на реконструкцијата на оваа делница е 537метри, а истата е со вредност од 7.763.966 денари обезбедени од општината.
Во потегот кај селата Трново – Магарево претходно е изведен колекторски систем за собирање на фекални отпадни води од домаќинствата и туристичките објекти, во вредност од 4.416.470 денари.
Општина Битола продолжува со градежните активности насочени кон обнова и реконструкција на патната инфраструктура и во делот на руралните средини, а со реконструкција на овој дел од патот се заокружува уште една фаза од вложувањата на локалната самоуправа во овој дел од Подпелистерието, со цел подобрување на квалитетот на животната средина и отварање на нови туристички потенцијали.