Одбележувањето на големиот македонски празник Илинден, утрово во Битола започна со положување на свежо цвеќе пред Споменикот на револуцијата кај Центарот за култура и Споменикот на илинденците во Храмот „Света Недела“. Почит кон загинатите востаници, борци и дејци оддадоа Градоначалникот на општина Битола, Тони Коњановски, претставници од општинскиот Совет, Сојузот на борци, пратеничката во Собранието на Македонија, Олга Лозановска, заменик министерот за финансии Николче Јанкуловски, како и претставници на политичките партии.

Градоначалникот на општина Битола, Тони Коњановски, испрати честитка до сите граѓани, посакувајќи сите генерации кои доаѓаат, преку соработка, разбирање и толеранција, да продолжат да се залагаат за напредок на македонската држава, негувајќи го споменот и достојно почитувајќи ја заложбата на Илинденците од пред 121 година и значајниот придонес на АСНОМ од пред 80 години.

НЕКА НИ Е ЧЕСТИТ И ВЕКОВИТ ГОЛЕМИОТ МАКЕДОНСКИ ПРАЗНИК ИЛИНДЕН!