Во должина над 2 километри, со вкупна вредност во износ од 13.000.000 денари, се асфалтира патот Битола – Кажани. Градоначалничката на Општина Битола м-р Наташа Петровска денес изврши увид на патниот правец, каде градежните активности се во тек. Градоначалничката Петровска и директорот на ЈП Водовод, Горан Козаров, разговараа со претставниците од месното население во врска со нивните потреби поврзани со решавање на инфраструктурните проблеми со кои се соочуваа во досегашниот период. Проектот со кој се врши асфалтирање на регионалниот пат Битола – Кажани е финансиран од Јавното претпријатие за државни патишта, како дел од нивната програма, а градежните работи на терен ги изведува ЈП „Македонија пат“.