Во прва работна посета на Општина Битола денес престојуваше амбасадорката на Германија Анке Холштајн, која оствари средба со градоначалничката м-р Наташа Петровска во нејзиниот кабинет.

На средбата, градоначалничката Петровска и амбасадорката Холштајн разговараа за придобивките од работењето на најголемата германска инвестиција во земјава, фабриката Кромберг и Шуберт, изградбата на новата детска градинка, економската состојба во градот, инфраструктурните проекти, како и за туристичките капацитети и понуди кои што ги има Општина Битола, особено во  Националниот парк Пелистер.

Градоначалничката изрази благодарност за помошта од Германската амбасада, која во повеќе наврати донирала во битолските образовни институции.