Со палење на олимпискиот оган, синоќа во Битола, започна првата „Мини Олимпијада на Општинската организација на Црвениот крст“. На отворањето на Мини Олимпијадата, присуствуваше и градоначалникот на општина Битола, Тони Коњановски, кој честитајќи им на членовите на Црвениот крст и претседателката Лилјана Ристевска за ваквата нова и значајна активност за Битола, им посака среќа на сите натпреварувачи.
Присутните ги забавуваа групата „Гром“, КУД „Илинден“ и волонтерите на Црвениот крст со своите подготвени изведби.
Во престојните денови до 24 август на различни локации, граѓаните на општина Битола ќе имаат можност да ги следат натпреварите на учесниците од различни категории во повеќе спортови: фудбал, кошарка, одбојка, ракомет, трчање и пливање.
Собраните средства од „Мини Олимпијадата“ ќе бидат насочени во хуманитарни цели.