Со натпреварот помеѓу македонскиот ракометен првак РК Еурофарм Пелистер и норвешкиот Колстад, во спортската сала „Боро Чурлевски“ во Битола, вечерва започнаа натпреварите од Лигата на шампиони.

Ракометарите од битолската екипа, добиваат огромна поддршка од своите спортски фанови, кои до последно место ги исполнија трибините.

Општина Битола, во досегашниот период, заедно со своите соработници, интензивно работеше на создавање на потребните услови, согласно европските стандарди за вакви натпревари. Поддршката продолжува!

Да им посакаме многу среќа и нови успеси на нашите ракометари од РК Еурофарм Пелистер.